简介
胡须佬，地球人。贪慕虚荣，好眉好貌生沙虱。
金句
- 世事就系好奇妙嘅，往往唔系嚟得太迟就嚟得太早。今晚哩个奖，一半，系属于我嘅，一半，系我同人攞嘅。就因为我可以同佢攞哩半个奖，我觉得我好荣幸。同埋，我永远都会铭记，就系因为哩啲嚟得唔迟唔早，咁就成就咗我同埋佢一生喺梨影界嘅事业。多谢。 --白雪仙
- 有啲地方就好似凉茶咁，你唔中意佢，但你需要佢。 --胡须佬
鬼上身乱噏
夕阳无限
好耐之前，喺网上面睇到一个港台嘅节目，叫港式男女，哩面有一集系讲到六十岁以上丧偶嘅长者对前人嘅思念，今日再睇一次，同样感动。里面有两位唔同嘅长者，一女一男，讲咗一啲说话，我觉得几有感觉。抄咗出嚟。
七十一岁， 哩个枕头佢枕过咖，我掉咗自己嗰个就爱哩个啰，爱佢枕过哩个啰。我点解呢咁？我觉得呢，俾佢保护我……哈哈…… 如果我死得，揾得翻我老公嘅，我即刻死呀。 佢谂得几周到呀，我老公谂咖，晒埋一对相到时第日是但边个死先都有个相吖，唔使哩咁he吖嘛。同埋嗰日影咖，但系唔同埋嗰日死啫。哈哈…… 有时睇电视觉得怪呀，笑，同边个笑啫？喊，又同边个喊呢咁样？
六十五岁，
佢唔喺度嘅时候呢，每当我翻到屋企开门嘅时候，我个心都觉得佢仲坐喺个沙发度等我翻嚟。
以前我有咁讲过，如果系后生嘅时候呢，我就希望你去先喇。因为点解呢？咁啲仔女可以等我嚟照顾。如果年纪大咗呢，我就宁愿走嗰个系我。因为到时仔女可以照顾你啦，唔须要我照顾喇。好可惜而家就刚刚相反。
我谂，终有一日，我哋或者都会著住件好靓嘅舞衣，单人独舞。只不过，又系咪灿烂如昔呢？